دبوس اعلام ..رايحين عـ الحج والناس راجعين ..
مدار نيوز، نشر بـ 2017/02/08 الساعة 11:19 صباحًا
اعلام بعض الفضائيات الفلسطينية زي الي غايب فيله …امبلشين رسائل للشركات لرعاية برامج، شي بضحك ..البرامج الحوارية التقليدية ..صارت عقيمة وقديمة ومفيش داعي لتقليد البرامج الي نجحت في السابق في فضائيات معروفة.
مثل هيك برامج لا يشاهدها احد لمين بتعملوها ؟ مين فاضي يقعد ساعة يسمع شخصين بتخرفوا خراريف الا ما ندر عندما يكون موضوع حديث الساعة..
الاخبار البياته غير مجدية…وسائل التواصل الاجتماعي والمواقع الالكترونية طلعوها بدري وصار الكل عارف شو صار، انت جاي تحج والناس راجعين ..مش مقبولة حجتك لانه مش وقتها..انت دورك مش تجيب الخبر كمان مره ..انت صار دورك فقط التعقيب عليها …
في عنا فضائيات..بحثهم عن بناء اعلام مميز شيء جميل ومشروع رائع ..ولكن غاب عنهم الاحتراف والمحترفين، غابت عنهم المهنية ومن شان هيك صرلهم زمان وما حد بتابعهم ولا حد سائل عن اعلامهم والسبب انه المحترف لا يعمل ببلاش ولا يعمل بفتات ولا يعمل من شان خاطرك.
بدكم تنجحوا ركزوا على البرامج الي فيها روح …على برامج فيها خفة الدم …ركزوا على البرامج الي المواطن بشوف حاله وبسمع صوت الناس مش صوت المدراء ..مش كل من لبس بنطول صار زلمه ومش كل دارس صار عالم، ومش كل اعلامي صار اعلامي.
بنصحكم ببلاش تركزوا على ايصال فكرة بالاسلوب الحديث ،لانه الناس اليوم اذكى من مبارح ..او خليكم نايمين بالعسل ..
رابط قصير:
https://madar.news/?p=29076
