دبوس ..”البيض طار”

ارسل لي الصديق ابو موسى رسالة وفيها سؤال بقول “معقول البيض بطير مثل الطيور “؟.

طبعا الموضوع هو البيض الي طار بالسعر من 7 شواقل الى 14-17 شيقل للكرتونه خلال يمين ثلاث، واصبح يباع حسب المنطقة ومرات حسب شكل الشخص الشاري، طبعا لا وزارة اقتصاد لا وزارة زراعة حاكين عن الموضوع ..اما جمعيات حماية المستهلك يمكن يكونوا مش عارفين بعدهم انه البيض طار .

طبعا الله يبارك للمزارع، خاصة اصحاب مزارع الدجاج البياض الي كانت خسائرهم كبيرة هذا الصيف، وكثير ناس منهم تكبدوا خسائر فادحة، ولكن هذا كلة سوء في ادارة الاسواق ..يعني لازم واحد يوكل الضربات، مرات بكون المزارع ومرات بكون المستهلك ..عالعموم البيض متهم مرتين ..مره انه بطير ومره انه بتهرب جوا خلف الجدار ..الظاهر انه هالمره نجحت عملية تهريب من لكبار والله اعلم ..ويمكن حتى لا نسيء الظن لم يبقى دجاج بياض في المزارع ..

رابط قصير:
https://madar.news/?p=2189