الشريط الأخباري

دبوس..الله لا يخربلك سيارة

مدار نيوز، نشر بـ 2016/12/13 الساعة 12:01 صباحًا

لما سيارتك تصير قديمة شوي بتصير لازم تزور ميكانيكي وهو بنصحك شو مطلوب ..لكن المشكلة اذا احتجت اصحاب قطع السيارات المستخدمة ..اولا بتوقف امامهم وانت ادمي ، دير بالك تشكك فيه او تفاصله او تحكيلة كثير ولا قليل، هدول بعض تجار القطع الواحد فيهم بشبه الجزار اللي بلا ضمير …بفتح عيونه الصبح وبقول يا رب ترزقنا من اولاد الحلال، بس هو حرامي ومربي حواليه صبيان بفهموا عليه حتى بدون ما يحكي ..ومن كثر ما هو كذاب بضل يحلفلك بكل المقدسات حتى يوصل الموضوع لامه اللي خلفته ..

هذا القطاع الذي تغيب عنه المراقبة وتحديد الاسعار ..هو عبارة عن مكان لسيارات مشطوبة او مسروقه او ملهوفه المهم انه هو متخصص وها كاره ..

وانت اذا كنت ذات وظيفة اجتماعية متخصص ما عليك الا ان تقف امامه وهو بصير يحكيلك يا دكتور ..طبعا احترام ..بالزبط زي المصري اللي بضل يحكيلك يا بيه ..المهم بالاخر بطعجك فاتورة من الاخر  ..اه صحيح بعرف يكتب فاتورة ..وبصير يفكر وهو يكتب ..بعض تجار قطع السيارات وليس كلهم بحاجة لتجديد الضمير واخراجه من الثلاجة …بس الجهات الحكومية لازم توقفهم عند حدهم ..لانه بحاجة لمين يوقفهم ..

الله لا يخربلك سيارة

رابط قصير:
https://madar.news/?p=20212

تعليقات

آخر الأخبار