الشريط الأخباري

دبوس …خلاف المواطن مع الطبيب متى ينتهي ؟

مدار نيوز، نشر بـ 2016/12/21 الساعة 8:49 مساءً
لا بد من مقدمة صغيرة لهذا الدبوس …الحديث يدور عن طبيب انسان يخطئ ويصيب ..وهنا لا نتحدث عن نهج للاطباء ..لا اريد ان ابدو كمن يهاجم هذا التخصص لكونه يتعرض للكثير من الانتقاد ونادرا ما نسمع عن شكر لطبيب رغم ان الغالبية العظمى يستحقون الشكر ..فهم اللذين يخففون عنا الالم ..الشكوى هنا من مواطن من منطقة جنين متأثر جدا فيما حصل مع والدته ومن حقه ان يصل صوته للمسؤول..يقول التالي :
 
استاذ علي مسا الخير
ارجو النشر و بالله عليك تنشرها عصفحتك … امي الاسبوع الماضي صار عندها الم في رجلها جبنالها دكتور عالبيت حكالها يا حجة هاي بداية دمل بدي اعطيكه دوا عشان يطرى و ينفس و اول ما ينفس بتروحي على مستشفى جنين بنضفوه و بعقموه هناك و بتروحي انشالله ….و يوم الجمعة بعد الصلاة نفس و اخدناها عالمستشفى بناءا عتعليمات الطبيب …
 
حكولنا في الطوارئ الدمل كثير كبير و بده عملية جراحية مع تخدير كامل و حكو مع الجراح لانو ما كان في طبيب يوم الجمعة حضر الطبيب على المستشفى و شاف الحجة ولا هو بحكيلها ضليتي ساكته على هالوضع و تذكرتي تيجي يوم الجمعة يوم عطلتي … بعد ما عاينها وهو طالع من عندها بحكي للمريض اللي معه قدامنا (( لعنة الله عليه من يوم )) طبعا على سمع المريضة و كل الناس اللي معها …هاد حالنا و حال بعض الاطباء بس لو كان مداوم في مستشفى خاص لا اعتقد انه يحكي معنا بهذا الشكل… انا ما كتبت اسمه لانك ما بتنشر اسماء و شكرا الك .
ملاحظة : لم نتمكن من التواصل مع الطبيب لسماع اقواله وهو مجهول بالنسبة لنا.

رابط قصير:
https://madar.news/?p=21456

تعليقات

آخر الأخبار

إصابة ضابط و4 جنود بمعارك غزة

الإثنين 2024/02/26 9:41 صباحًا