دبوس ..ضرائب المحروقات بلغت 2.970 مليار شيقل خلال العام الماضي.

مدار نيوز..دبوس ..ضريبة الي تضرب الضرايب …ادفع ادفع ادفع …هاي حال المواطن ..بما انه بندفع ضريبة المعارف للبلدية  هذا يعني انه احنا الي بنبني المدارس غير تبرعات الميسورين.. وبما انه بندفع ضريبة النفايات هذا يعني انه الزبالة على حسابنا بلا مؤاخذة ..وبما انه بندفع ضريبة المواد التموينية هذا يعني انه احنا بندفع فاتورة زي الدول الغنية ..وبما انه احنا بندفع ضريبة السجائر هذا يعني انه احنا بندفع فاتورة الصحة …وبما انه احنا بندفع فاتورة عن الوقود 100%  هذا يعني انه احنا بندفع فاتورة المخترة وقيمتها  2.970 مليار شيقل خلال العام الماضي. ..ولاااااو كل هاي ضرايب علينا واحنا شعب محتل!!! هذا كيف لما يصير عنا دولة كاملة السيادة ..بنشتغل 3 شغلات في اليوم بس من شان ندفع ضريبة .

ملاحظة معلومة المحروقات عن موقع الاقتصادي، نقلا عن وزارة المالية كما ذكر.

رابط قصير:
https://madar.news/?p=27864