الشريط الأخباري

دبوس ..هل مطلوب من كل عائلة تسليح بلطجية لحماية نفسها ؟

مدار نيوز، نشر بـ 2018/06/19 الساعة 1:14 مساءً
علي دراغمة : احنا الناس يتم الاعتداء علينا تارة بإسم الدين وتارة اخرى بإسم الوطن..والناس المعتدين لا عندهم دين اكثر منا ولا عندهم وطنية اكثر منا .
 
احنا الناس غلبانين في الضفة وغزة ..احنا الناس تعبانين في تربية الابناء وتوفير حياة كريمة وتوفير دراسة جامعية ..كيف نوفر حياة كريمة لولادنا وفي مين بكفر فينا وفي مين بشيطن فينا .
 
احنا الناس كرهنا حالنا لاننا متأكدين اننا ناس وهم يعاملوننا بالعصا كـ الحيوانات ..ماخدين حقوقنا في الطبابة والتعليم والوظيفة باسم الاستحقاق ..والنماذج كبيرة وكثيرة.
 
حكم السلطة غير عادل وحكم حماس في غزة غير عادل ..من حقنا نطلع في اعتصام من حقنا التظاهر ضد ما نعتقد انه ظلم .
اقبلونا كما نحن او ابحثوا لنا عن متر ارض تحت التراب افضل او هجرة الى بلاد الواق واق كي تتنعموا بحكم بلا شعب …يلعن اليوم اللي صار عنا محسوبيات ومدراء لا يعملون وسفراء يفشلون وتوظيف على الخلفية الحزبية،  ووزراء خلفهم مواكب على حساب كرامتنا ومن اموالنا وبدهم نأديلهم فروض الطاعة والتحية…
 
معدل وفاة الاطفال في غزة في ازدياد ..وعندما يرسلون الدواء اللي هو من حقهم  يحتفلون ويدعون كل الكاميرات للتصوير، معدل المرضى يزداد معدل الاعاقات عالي ..وجايين يحكولنا ممنوع تحكوا وممنوع تطلعوا بمظاهرة ..اطلقوا على الناس كلابهم في الشوارع ..وحوش بشرية تريد اسكات اي صوت يعارض اصواتهم .
 
واذا بنت بتطلع بمسيرة بحكوا عنها “شششششش” وهي اشرب من شواربهم واذا شب بطلع في اعتصام بحكوا عنه سكير وابن حرام وهو ابسط الناس وانظف انسان .
البلد كل البلد يجب ان تعود لحضن الناس حتى تصير بلد ..وكلمة حق الناس فضلت الاجهزة الامنية الف مره ولا حكم البلطجية ..لكن مين رجع البلطجية يضربوا الناس ؟ هل المطلوب من كل عائلة تسليح بلطجية لحماية نفسها ؟ .

هذا المقال يعبر عن رأي صاحبه فقط.

تعليقات