كيف اعدم محمد الصالحي ؟…ياسر ابو كشك
محمد الصالحي رواية لم تكتمل ,,, في جريمة مكتملة الاركان ,,, محمد ما تركوه ينزف حتى الموت ,,, محمد ظلوا يطخوا فيه حتى مات ,,, ,,, ,,, محمد بسيط وطيب طفل بجسد انسان ,,, دخلوا بيته ,,, بيسموه بيت ,,, مكون من غرفتين ومطبخ جنب بعض ,,, بيسموهن غرفتين ومطبخ وقدامهن حوش صغيييييير بيسموه حوش ,,, بيوت الجيران حواليه من كل الجوانب مثل اكثر بيوت المخيم بس اعلى شوي من بيته ,, دخلوا عليه منزله وهو نايم عشان من بيته يدخلوا لبيت الجيران ,,, محمد مش مطارد ولا مطلوب للاعتقال ,,, قام من نومه مفزوع اطلعوا من بيتي شو جايين تساووا هون ,,, صرخ مرتين ويمكن ثلاث ,,, جندي من بندقيته اطلق رصاصة على رجله ومحمد سقط على الارض ,,, وبلشوا الجنود اتصالات ,,, حضر ضابط الوحدة وضابط المخابرات ,,, محمد على الارض مرمي بحوش بيته ,,, سحب الارهابي مسدسه – كان كاتم للصوت – اطلق عليه عشر رصاصات ,,, قدام عيون امه – تحاول تحميه وهو يطخ فيه ,,, ظل يطلق عليه النار حتى اكدله طبيب الوحدة انو مات ,,, غادروا البيت واجت نسوان الحارة يواسنها لامه ,,, الجيران كانوا يسمعوا ويشوفوا كل الي صار ,, امه مسكت ممسحة تمسح الدم عن ارضية الدار ,,, لانها امه لهسة مش عارفة شو الي صار ,,, محمد الصالحي واحد من سلسلة جرائم لا تنتهي للاحتلال .
